Qazaqstandyq kanoeshy Altynbek Qojahmet álem chempıonatynda kúmis oljalady
ASTANA. QazAqparat - Qazaqstandyq kanoeshy Altynbek Qojahmet Bolgarııanyń Plovdıv qalasynda ıýnıorlar arasynda (18 jas jáne odan da tómen) kanoe men baıdarka esýden ótip jatqan Álem chempıonatynda kúmis medal ıelendi, dep habarlaıdy QazAqparat QR MSM Sport jáne dene shynyqtyrý isteri komıtetine silteme jasap.
Qazaqstandyq sportshy 1000 metrlik qashyqtyqty 04:25:412 kórsetkishimen eńserdi, qola nemis sportshysy Roa Benekte (04:25:558), altyn belarýs Dzıanıs Patapenkanyń enshisinde (04:25:077).
Aıta keteıik, ıýnıorlar (18 jas jáne odan da tómen) men jasóspirimder ( 23 jáne odan jas) arasyndaǵy kanoe men baıdarka esýden Álem chempıonaty Bolgarııanyń Plovdıv qalasynda 26 shildeden beri ótip jatyr. Fınaldyq saıys - 29 shildede.
Jarysqa álemniń 67 memleketinen sportshylar qatysyp jatyr. Qazaqstannan 17 sportshy bardy. Olardyń 12-si kishi jáne beseýi eresek topta.
Sonymen qatar, ıýnıor qyzdar arasynda kanoeshy Gúljaına Tynybekova 500 metrlik qashyqtyqta besinshi orynnan kórindi.
