Qazaqstandyq qamtýdy memlekettik damytý máselesin júıeleý qajet - Munaı jáne gaz vıtse-mınıstri
Bul týraly QR Munaı jáne gaz vıtse-mınıstri Áset Maǵaýov búgin Almatyda «Munaı jáne gaz: qazaqstandyq mazmundy damytý - 2011» dep atalatyn munaı-gaz kompanııalarynyń forýmynda aıtty.
«Jumys istep turǵan kásiporyndardy jańartý, jańa taýar túrlerin óndirýdiń tetikterin jasaý arqyly qazaqstandyq qamtýdy memlekettik damytýdy júıeleý qajet. Sondaı-aq ortalyq jáne jergilikti atqarý organdary, ulttyq kompanııalar men uıymdardyń qatysýymen uzaq jáne orta merzimdik keleshekke arnalǵan qazaqstandyq qamtýdy damytýdyń salalyq jáne aımaqtyq ındýstrııalyq jospary jasalady», - deıdi Áset Maǵaýov.
Á.Maratulynyń aıtýynsha, onda jetistikke jetýdi josparlaýdaǵy jetekshi tulǵalardyń jeke jaýapkershiligi de qaralady. Qazirgi tańda elimizde ınjınırıngtik kompanııalar múlde joq deýge bolady. Sol sebepti respýblıkadaǵy barlyq iri jobalarda saraptamalyq zertteýden bastap, tehnıkalyq ekonomıkalyq negizdemesin jasaýǵa deıingi jumystardy sheteldik kompanııalar júrgizýde. Sondyqtan qazir salalyq jobalyq konsaltıngtik kompanııalar qurý josparlanyp otyr. Ol qazaqstandyq qamtýdy ulǵaıtyp, óndiristi damytýdy boljaýǵa múmkindik bermek.