Qazaqstandyq qamtý kórsetkishterinde naqty ósim bar - Á.Isekeshov

ASTANA. 7 jeltoqsan. QazAqparat /Aıdar Ospanalıev/ - Qazaqstandyq qamtý máselesinde barlyq baǵyttar boıynsha ilgerileýshilikter bar. Bul týraly búgin «Uzaqmerzimdi áriptestik arqyly - turaqty damýǵa» atty Qazaqstannyń taýar óndirýshileri forýmynda Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshov málim etti.

Onyń aıtýynsha, kelesi jyly ındýstrııalandyrý kartasy boıynsha jańa jobalar iske qosylýy tıis. Olar negizinen qazir jumys istep jatqan kásiporyndardy jańǵyrtyp, qosymsha jańa kásiporyndar ashý túrinde bolady. Osy kásiporyndardyń basym kópshiliginde qazaqstandyq qamtý máselesi erekshe eskeriledi, ıaǵnı bul kásiporyndar uzaqmerzimdi tapsyrystar alady. «Biz «Samuryq-Qazyna» qorymen jumys barysynda kóptegen iri jáne kishi jobalardy iske qosamyz degen úmittemiz jáne olar elimizde jańa ónim túrlerin shyǵarady», dedi Úkimet basshysynyń orynbasary.