Qazaqstandyq qamtý aıasynda jumys istep júrgen kásiporyndarda naryqty básekege qabiletti ónimmen qamtamasyz etý múmkindikteri bar - Á. Isekeshev
Bul týraly búgin Astanada ótip jatqan qazaqstandyq qamtý máselelerine arnalǵan respýblıkalyq keńeste Úkimet basshysynyń orynbasary-Indýstrııa jáne jańa tehnologııalar mınıstri Áset Isekeshev málim etti, dep habarlaıdy QazAqparat.
Qazaqstandyq qamtýda údetilgen ındýstrııalyq-ınnovatsııalyq baǵdarlamasy aıasynda memleket barynsha qoldaý kórsetýge nıetti ekenin jetkizgen mınıstr, «osy arqyly qazaqstandyq qamtý atalǵan baǵdarlamany júzege asyrýda basty tetik bolady. Baǵdarlamany júzege asyrýdan keletin áser aldyn ala esepter boıynsha 7 trln. teńgeden asady. Bul elimiz Іshki jalpy óniminiń jartysynan astamy. Atap aıtqanda, ony júzege asyrýdyń birinshi jylynda 144 ınvesıtıtsııalyq jobany aıaqtaý belgilenip otyr», dedi.
Á. Isekeshev «Bıznestiń jol kartasy-2020» baǵdarlamasy aıasynda nesıeler boıynsha sýbsıdııalanǵan paıyzdyq stavkalar, jobalardy iske asyrý úshin ınfraqurylymdy damytý, kadrlardy daıarlaý sharalary qamtylǵanyn jetkizdi.
«Búginde otandyq kásiporyndarda, ásirese qazaqstandyq qamtý baǵdarlamasy aıasynda jumys istep júrgenderde memlekettik qoldaý sharalaryn ıelenýge, sondaı-aq naryqty básekege qabiletti ónimmen qamtamasyz etý múmkindikteri bar»,-dedi Úkimet basshysynyń orynbasary.
Mınıstr bul másele Biryńǵaı Keden odaǵy aıasynda ózekti sanalatynyn aıtyp ótti.
