Qazaqstandyq kadetterdiń kúresten álem chempıonatyna qatysatyn quramy anyqtaldy
ALMATY. QazAqparat – Bolgarııa astanasy Sofııada búgin kadetter arasynda kúresten álem chempıonaty bastalady, dep habarlaıdy QazAqparat tilshisi.
Keshe bapkerler shtaby erkin kúresten komandanyń quramyn jarııalady. Dástúrge oraı, jas balýandar sońǵy daıyndyq jattyǵýlaryn eki jyl buryn Almatyda ashylǵan Erkin kúres akademııasynyń bazasynda ótkizdi.
«Álem chempıonaty, bıylǵy jarystardyń basty saıysy. Oǵan bizdiń komanda tas-túıin bolyp otyr. Daıyndyǵymyzdy pysyqtaý úshin Erkin kúres akademııasynyń bazasynda búkil jaǵdaı jasalǵan. Ol úshin Qazaqstannyń Grek-rım, erkin jáne áıelder kúresi federatsııasynyń basshylyǵyna alǵys bildiremin», - deıdi Qazaqstan quramasynyń aǵa bapkeri Erkebulan Keshýbaev.
Grek-rım, erkin jáne áıelder kúresinen Sofııada ótetin kadetter arasyndaǵy álem chempıonatyna Qazaqstan quramasy myna quramyn alyp bardy: Elaman Amangeldi (45 kg), Nurdáýlet Bazarbaev Nurdáýlet (48 kg), Johangır Ahmadjanov (51 kg), Jánibek Imanjan (55 kg), Aqnıet Tólegenov (60 kg), Oljas Oljaqanov (65 kg), Nurdáýlet Qýanyshbaı (71 kg), Bekzat Amanǵalı (80 kg), Bekzat Tájı (92 kg), Islam Tagırov (110 kg).
