Qazaqstandyq kəsipkerler Reseıde qandaı kedergilerge tap bolyp júr
«Qazir Reseıdegi sanktsııalyq rejim kóptegen qolaısyzdyqtarǵa sebep bolyp otyr. Jaraıdy, bizdiń kásipkerlerimiz oǵan da beıimdeldi. Birneshe jyl buryn Ýkraınaǵa baratyn tranzıt máselesi de qınap tastady. Jergilikti bılik Reseı prezıdentiniń jarlyǵy bar dep, qazaqstandyq taýarlardy ustap, biraz qıyndyq jasady. Sol kezde bıznesmender jyldar boıy jasaǵan tranzıttik baǵyttaryn ózgertýge májbúr boldy. Al bir apta, ıa bolmasa, bir aıdyń ishinde bárin ózgertý múmkin emes. Qazirdiń ózinde Ýkraınamen aradaǵy saýda-sattyq kúrt tómendedi», - dedi Abylaı Myrzaxmetov.
Onyń aıtýynsha, shekara mańyndaǵy aımaqtarda otandyq kásipkerlerge biraz shekteýler qoıyp tastaǵan. Memlekettik satyp alýlarǵa da qatysý qıyn. «Máselen, Belgorodta arnaıy kýálikti engizipti. Onsyz sol jerdegi tenderlerge qatysa almaısyń. Al ondaı kýálikter tek jergilikti bıznesmenderge ǵana beriledi. Dál sondaı tájirıbe barlyq óńirlerde bar. Bizdiń bıznesmenderimiz bazarlarǵa da kire almaı júr. Búkil jerde federaldy júıe, gýbernatory bar jáne taǵysyn taǵy. Biz óz jerimizdegi bıýrokratııaǵa shaǵymdanamyz. Ol jaqta bizden de ótken bıýrokratııa eken. Negizi, olarǵa qaraǵanda, bizder EAEO pen DSU mindettemelerin saqtap kelemiz. Degenmen, biz on oblysty aralap keldik. Sonda jergilikti bızneste protektsıanıstik ustanym basym. Otandyq kásipkerler de óz naryǵymyzdy barynsha qorǵaıyq dep otyr. Áıtpese, biz ǵana barlyq talaptardy saqtaı bersek, eshbir paıda bolmaıtyn tárizdi», - dep atap kórsetti A.Myrzaxmetov.
Aıta keteıik, búgin EAEO kollegııasynyń múshesi Tımýr Jaqsylyqov otandyq bıznesmendermen kezdesip, mańyzdy bir keńes berdi. Onyń aıtýynsha, aldaǵy ýaqytta odaqtyń ishinde taǵy bir keńes bolady.
Foto: beta.palata.kz
