Qazaqstandyq Izraılde jeńil atletıkadan ashyq chempıonatta jeńimpaz atandy
ASTANA. QazAqparat - Jeńil atletıkadan Izraıl ashyq chempıonaty qazaqstandyq sportshy Roman Loshkarevtiń osy maýsymdaǵy alǵashqy sheteldik jarysy boldy. Bul týraly sports.kz habarlady.
Jeńil atletıkadan Izraıldegi 82-shi chempıonat 4-5 shilde aralyǵynda Tel-Avıv qalasynda ótti. Bul jarystardyń ashyq mártebesi kóptegen elderdiń- Kıpr, Germanııa, AQSh, Ýkraına, Belarýs, Grýzııa, Qazaqstan, Lıtva, Kenııa, Efıopııa, Mozambık jáne Polsha ókilderiniń nazaryn aýdardy.
Biraq, bıiktikke sekirýden qazaqstandyq Roman Loshkarev jalǵyz sheteldik qatysýshy boldy. Alty sportshy medalǵa talasty. Loshkarev qalǵan sportshylardan basym túsip, 2.17 metr bıiktikke sekirdi. Bul Romannyń shetelde kórsetken úzdik nátıjesi. Ol byltyr tamyzda Dúnıejúzilik Ýnıversıada kvalıfıkatsııasynda 2.15 metrge sekirgen edi.
Aıta keteıik, 4 shildede Izraıldegi ashyq chempıonattyń alǵashqy kúninde taǵy bir qazaqstandyq Marııa Ovchınnıkova qola medal ıelengen bolatyn. Ol úsh qarǵyp sekirýden úshinshi oryn aldy.
