Qazaqstandyq IT-jobalarǵa Ózbekstan qyzyǵýshylyq tanytty
Qazir Tashkentte qos tarap ókilderiniń kezdesýi «Tsıfrly Qazaqstan» jáne Ózbekstannyń memlekettik baǵdarlamasy aıasynda ótip jatyr. Basqosýǵa Premer-Mınıstrdiń orynbasary Asqar Jumaǵalıev pen Ózbekstan premer-mınıstri Abdýlla Arıpov qatysty. Bul IT-jobalar aqparattyq tehnologııa, telekommýnıkatsııa, densaýlyq saqtaý, bilim berý, Smart City jáne ekonomıka salalaryn qamtıdy. Olar Ózbekstan tarapynyń úlken qyzyǵýshylyǵyn týǵyzyp otyr.
Kezdesýdiń maqsaty - Qazaqstan men Ózbekstan arasynda tsıfrlandyrý jobalaryn engizý úshin qarym-qatynas ornatý.
«Biz Smart City jobasyna ınvestıtsııa quıýymyz kerek. Qazir osyǵan baılanysty qyzý jumys júrip jatyr. Keleshekte áriptestermen tyǵyz baılanys ornatyp, jobany birlese júzege asyramyz. Osy 2 kún ishinde ortaq kelisimge kelip, memorandýmǵa qol qoıamyz dep oılaımyn», - deıdi Astanany turaqty damytý ortalyǵynyń IT-sáýletshisi Vıtalıı Pýstovoıtenko.