Qazaqstandyq «Іsker» uldar hory Ispanııada ótken halyqaralyq festıvaldiń Gran-prı júldesin jeńip aldy
ALMATY. Qańtardyń 14-i. QazAqparat /Názıra Eleýhan/ - Almaty qalasyndaǵy M.Tólebaev atyndaǵy №5-shi mýzykalyq mektebiniń «Іsker» uldar hory Ispanııanyń Llored de Mar qalasynda ótken bı jáne mýzyka halyqaralyq festıvalinde Gran-prı júldesiniń ıegerleri atandy,
dep habarlaıdy QazAqparat.
Arnaıy syılyqtarmen eń úzdik vokaldyq jumysy úshin Nýrı Kım jáne kórermender kózaıymy syılyǵymen Kostıa Danılov marapattaldy.
«Festıval óte jaqsy ótti. Ispanııada balalarǵa degen kózqaras erekshe eken. Bizdiń Nýrı Kım Barselona qalasynda ótken gala-kontsertte ıspan ánshisi Mereıamen birge án aıtty. Festıvaldy tamashalaǵan osy eldegi Qazaqstan konsýly bizdiń ónerimizge tánti bolyp, jetistigimizdi maqtan etti», dedi hordyń jetekshisi, ári dırıjery Larısa Dımýrına. Onyń aıtýynsha, jetistikke jetýimiz qazaqstandyq, ıspandyq úzdik ánderdi tańdaýymyzda boldy.
«Іsker» hory 1984 jyly qurylǵan. Oǵan 8 jastan 24 jasqa deıingi balalar qatysady. Repertýarlarynda qazaq, orys, batyseýropalyq kompozıtorlardyń klassıkalyq shyǵarmalary, djazdyq, sonymen qatar folklorlyq jáne búgingi zaman mýzykalary bar. Hor, ásirese qazaqtyń halyq mýzykasyn nasıhattap keledi. 1997 jyldan beri «Іsker» Reseıdiń «ıÝnost planety» dep atalatyn halyqaralyq uıymnyń múshesi. Al, 1999 jyldan Germanııanyń «Interkýltýr» jáne «Mýzyka Mıýndı» halyqaralyq uıymynyń múshesi bolyp tabylady.
«Іsker» hory kóptegen festıvalder men baıqaýlardyń, atap aıtqanda Lıtvada ótken hor óneriniń, Reseıdegi «Gımn Velıkomý Gorodý» halyqaralyq festıvaliniń, Avstrııada ótken 1-shi Hor olımpıadasynyń, Italııada ótken Isol Del Sole hor festıvaliniń, Ońtústik Koreıada bolǵan 2-shi Hor olımpıadasynyń, Germanııadaǵy 3-shi Hor olımpıadasynyń jeńimpazdary.
