Qazaqstandyq ıpotekalyq kompanııany qarjylandyrý keshigetin bolsa, Memleket basshysynyń tapsyrmasy ýaqytynda oryndalmaýy yqtımal
Parlamentte «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti.
Agenttik tóraǵasynyń sózine qaraǵanda, «Qoljetimdi baspana» baǵdarlamasynyń perspektıvalyq baǵytynyń biri - Qazaqstandyq ıpotekalyq kompanııanyń jelisi arqyly turǵyn úı salý.
«Osy baǵyt boıynsha jalǵa alýshy 15 jyl boıy jaldaý aqysyn tóleıdi, onda 1 sharshy metrdiń quny 1 myń teńge mólsherinde bolady. Shartqa sáıkes jaldaý merzimi aıaqtalǵannan keıin turǵyn úı jaldaýshynyń menshigine ótedi. Bul rette qurylystyń kólemin jylyna 530 myń sharshy metrge jetkizý josparlanyp otyr. 1 sharshy metrdiń quny orta eseppen 100 myń teńge bolady. Jalpy osy baǵyt boıynsha turǵyn úıdi iske qosýdyń josparlanǵan kólemi bul jalǵa beriletin turǵyn úı qurylysynyń barlyq kóleminiń jartysyn quraıdy. Sondyqtan 2013 jyly Baǵdarlama boıynsha Qazaqstandyq ıpotekalyq kompanııanyń jarǵylyq kapıtalyn 25 mlrd. teńgege ulǵaıtý kózdelgen bolatyn», - deıdi Serik Nokın.
Alaıda agenttik basshysynyń aıtýynsha, bıýdjette osy qarajat shartty qarjylandyrylatyn shyǵystarǵa kiredi. ıAǵnı, 2013 jyly kompanııany qarjylandyrý atqarylmaı qalyp, kelesi kezeńge aýysýy múmkin.
«Kompanııany qarjylandyrý 2013 jyldyń 1-toqsanynan keshigetin bolsa, bul Memleket basshysynyń jalǵa beriletin turǵyn úıdi 1 mln. sharshy metrge jetkizý jónindegi tapsyrmasynyń belgilengen merzimde oryndalmaýyna alyp keledi. Sondyqtan, Qazaqstandyq ıpotekalyq kompanııany mindetti qarjylandyrý týraly máseleni qarastyrý qajet», - dep atap ótti Serik Nokın.
