Qazaqstandyq ıpotekalyq kompanııa basqarma tóraǵalyǵyna Ádil Muhamedjanov saılandy

ASTANA. QazAqparat - «Qazaqstandyq Ipotekalyq Kompanııa» IU» AQ-nyń jalǵyz aktsıoneri - «Báıterek» ulttyq basqarýshy holdıngi» AQ sheshimimen Ádil Muhamedjanov Qazaqstandyq Ipotekalyq kompanııanyń basqarma tóraǵasy, dırektorlar keńesiniń múshesi bolyp saılandy.

«Báıterek» UBH saıtynyń habarlaýynsha, Á. Muhamedjanov Turar Rysqulov atyndaǵy Qazaq ekonomıka ýnıversıtetin  «Halyqaralyq ekonomıkalyq qatynastar» mamandyǵy boıynsha, Nottıngem ýnıversıtetiniń (Ulybrıtanııa) bakalavrıatyn bitirgen. 

Osy qyzmetke taǵaıyndalǵanǵa deıin Ádil Muhamedjanov «QazTransOıl» kompanııasynda túrli laýazymdarda eńbek etti, «Kaspıan Enerdjı Ink» AQ men «AzııaKredıt Bank» AQ dırektorlar keńesiniń múshesi boldy. 2004 - 2016 jyldar aralyǵynda - «Aral Petrollıým Kepıtal» JShS vıtse- prezıdenti, «Otan» AJZQ» AQ basqarma tóraǵasy qyzmetterin atqardy. 

Buǵan deıin Qazaqstandyq Ipotekalyq kompanııanyń basqarma tóraǵasy laýazymyn atqarǵan Azamat Ibadýllaevtyń ókilettigi 2016 jylǵy 15 tamyzdan bastap óz qalaýy boıynsha toqtatyldy.