Qazaqstandyq ıpotekalyq kompanııa 21,6 mlrd. teńgeniń kýpondyq oblıgatsııalaryn Qor naryǵy arqyly ornalastyrdy
ASTANA. 31 shilde. QazAqparat - «Qazaqstandyq ıpotekalyq kompanııa» AQ 30 shildede «Qazaqstandyq qor naryǵy» AQ saýda alańy arqyly jalpy nomınaldyq quny 21 614 660 000 teńgege
(NIN KZ2C0Y05E529, aınalym kezeńi 26.07.2018 - 08.08.2018 jj, kýpondyq stavka - 6,0% shekti) «Reıtıngtik baǵalaýmen boryshtyq baǵaly qaǵazdar» sanaty boıynsha teńgeniń AQSh dollaryna devalvatsııasynyń ındekstelgen deńgeıi boıynsha 14-i shyǵarylymdaǵy kýpondyq oblıgatsııalaryn bastapqy ornalastyrýdy júzege asyrdy. Ornalastyrý barysyndaǵy óteýge qatysty kiristiligi jyldyq 6 paıyzdyq stavkany qurady. Bul týraly «Qazaqstandyq ıpotekalyq kompanııa» AQ baspasóz qyzmetinen habarlandy.
«Atalǵan oblıgatsııalardy ornalastyrýdan túsetin qarajat ekinshi deńgeıli bankterden AQSh dollaryna denomıratsııalanǵan ıpotekalyq zaemdar boıynsha talap etý quqyqtaryn ıelenýdi qarjylandyrýǵa baǵyttalatyn bolady. Atalǵan oblıgatsııalardy ornalastyrý anderraıtery bolyp «Halyk Finance» AQ qatysqan».
