Qazaqstandyq ınvestorlarǵa Baıqońyrdaǵy 157 nysandy ıelenýdi usynýda
Quramyna qazaqstandyq jáne reseılik memlekettik organdyq basqarmalar kiretin Baıqońyrlyq delegatsııa «RZA» agroónerkásiptik keshendi, kámpıt shyǵaratyn tsehty, kúrish óńdeıtin zaýytty, mal sharýashylyq keshenin, balyq tsehyn kórsetip, qonaqtardy óndiristik kásiporyn ónimderiniń tehnologııasy jáne uıymdastyrýymen tanystyrdy.
Forýmnyń plenarlyq otyrysynda sóz sóılegen Baıqońyr qalasy ákimshiligi basshysynyń orynbasary Olga Kogaı qalaǵa qazaqstandyq ınvestorlardyń qoldaýy kerek ekendigin atap ótti.
Baıqońyr qalasy Reseı Federatsııasy jaldaıtyn «Baıqońyr» ǵarysh kesheniniń arqasynda qarjylanatyny belgili.
Olga Kogaı ınvestorlarǵa qala turǵyndary muqtaj ınvestıtsııalyq jobalarǵa kóńil bólýdi usyndy. Atalmysh jobalarǵa keıinnen jeke menshikke satý quqyǵyna ıe turǵyn úıler salý, qalalyq mádenı jáne demalys parkteri ınfraqurylymyn damytý, sý kózi bar ashyq haýyzben qamtamasyz etilgen demalys aımaqtaryn qurý, dene shynyqtyrý-saýyqtyrý jáne oıyn-saýyq keshenderi, týrıstik kásipti damytý kiredi.
«Búginde Baıqońyrda paıdalanylmaǵan jáne Reseı tarapynan jalǵa alynbaǵan 157 nysan bar», - dep atap ótti ol.