Qazaqstandyq ınvestor Serbııa kompanııasyn satyp aldy
ASTANA. QazAqparat - Belgradta «Jol jóndeýshi» kompanııasy» JShS qazaqstandyq kompanııacynyń «ZGOP» - Serbııada kúrdeli jóndeýmen jáne temir jol jelileriniń qurylysymen aınalysatyn jalǵyz kásiporyndy satyp alýy jónindegi shartqa qol qoıyldy, dep habarlaıdy QR IDM baspasóz qyzmeti.
Qazaqstan men Serbııa arasyndaǵy ınvestıtsııalyq yntymaqtastyqty damytý jónindegi 2016 j. jeltoqsanda ótken QR Prezıdenti Nursultan Nazarbaevtyń SR Prezıdenti Tomıslav Nıkolıchpen jáne SR Premer-Mınıstri Aleksandr Výchıchpen kelissózderiniń nátıjeleri boıynsha qol jetkizilgen kelisýshilikterdi iske asyrý sheńberinde «Jol jóndeýshi» kompanııasy» JShS «ZGOP» serbııalyq kompanııasyn (Novı-Sad q.) satyp aldy.
8 aqpanda Serbııanyń Ekonomıka mınıstrliginde SR Ekonomıka mınıstri G.Knejevıchtiń, sondaı-aq mámile qatysýshylary - «Jol jóndeýshi» kompanııasy» JShS men ZGOP a.d. Novi Sad resmı ókilderiniń qatysýymen kelisimshartqa qol qoıyldy. «Jol jóndeýshi» kompanııasy» JShS atynan Bas dırektor Hýram Mýradov ókildik etti.
Kelisimshart eki el arasyndaǵy yntymaqtastyqtyń jalǵasyna aınalady jáne Qazaqstan men Serbııanyń saýda-ekonomıkalyq baılanystaryn nyǵaıtady. Eki el arasyndaǵy ózara tıimdi qatynastardyń tolyǵymen iske asyrýdy qajetsinetin jetkilikti áleýeti bar.
Qazaqstandyq kompanııa Serbııadaǵy ZGOP a.d. Novi Sad kompanııasynyń enshiles kásipornyna úlken ról berilgen damýdyń jańa jolyn ashady. 2011 j. bastap qaıta qurylymdaý protsesinde bolǵan, satyp alynǵan kompanııanyń shtaty 250 qyzmetkerdi quraıdy. Avstrııa, Reseı, QHR, Frantsııa jáne Túrkııa elderiniń kompanııalary ony satyp alýǵa qyzyǵýshylyq tanytty. Jergilikti eksporttaýshylardyń pikiri boıynsha, bul kompanııanyń tartymdylyǵy Serbııa halyqaralyq nesıelerdi, sonyń ishinde óz temir joldaryn qalpyna keltirý úshin Eýropa qaıta qurý jáne damý bankinen nesıe alǵanynda bolyp tabylady.
«Jol jóndeýshi» kompanııasy» JShS kópjyldyq jumysy barysynda qurylys salasynda áserli nátıjelerge jete bildi, áriptester men qyzmetterge tapsyrys berýshilerdiń senimin aqtap jáne qurmetin ıelenip, qomaqty abyroı ıelene aldy. Buǵan qosa kompanııa avtomobıl joldaryn qalpyna keltirý men salý, sondaı-aq ushý-qoný jolaqtaryn salýdy jáne teńiz porttaryn damytýdy qosa alǵanda, kólik-logıstıkalyq keshenniń ınfraqurylymdyq jobalaryn iske asyrý boıynsha qyzmetter kórsetedi. Kompanııada joǵary bilikti ınjenerlerdi jáne jobalardy basqarý boıynsha halyqaralyq sertıfıkattaýǵa ıe qyzmetkerlerdi qosa alǵanda, bir jarym myńnan astam maman jumys jasaıdy.
Kompanııa halyqaralyq sapa standarttaryna sáıkes jumys isteıdi jáne Reseıdiń, Taıaý Shyǵys pen Eýropanyń naryǵynda ózine jańa perspektıvalar ashady.
