Qazaqstandyq ınvestıtsııalyq sammıttiń basty taqyryptarynyń biri retinde ýran óndirý men ıadrolyq ónerkásip salasy talqylanýda

Onyń basty taqyryp retinde tańdap alynýy beker emes. Bul sala búginde álemniń qyzyǵýshylyǵyn týdyryp otyrǵan jaıy bar. Onyń ústine, Qazaqstan byltyrǵy jyly 14 myń tonna ýran óndirip, álemde ýran óndirisinen birinshi orynǵa shyqty. Sonymen qatar aldaǵy ýaqytta álemniń birqatar elderinde Atom elektr stansylaryn salý júzege asyrylmaq. Bul baǵytta qazaq ýranyna suranys artady degen sóz.

Shara barysynda shet eldik meımandardy qyzyqtyrǵan saýaldardyń negizisi de osy ýranǵa suranys, Qazaqstan ýran óndirisin ulǵaıta ma, ýran óndirisindegi basty áriptesteri retinde kimdi kórgisi keledi, ýran ónimderin ótkizýdiń basty naryqtary qaı elder boldy. Meımandardyń suraqtaryna QR Indýstrııa jáne jańa tehnologııalar vıtse-mınıstri Dúısenbaı Turǵanov, «Qazatomónerkásip»UAK vıtse-prezıdenti Sergeı ıAshın jaýap berdi. Dúısenbaı Turǵanovtyń aıtýynsha, Qazaqstan aldaǵy ýaqytta tek ýrandy óndirýge emes, tereń óńdep satýǵa basymdylyq bermek. «Bul baǵytta Kanada, Reseı, Frantsııa, Qytaı, Japonııamen birlesken kásiporyndar quryldy. Qazaqstan bul baǵyttaǵy josparlaryn júzege asyrýdy jalǵastyra beredi. Qazirgi ýaqytta ýran munaı men gaz sııaqty ınvestıtsııalyq tartymdy salalar qatarynda», dedi D.Turǵanov. Sergeı ıAshınniń aıtýynsha, Qytaı aldaǵy ýaqytta 160-qa jýyq atom elektr stansysyn salýdy kózdep otyr. «Sondyqtan qazaq ýranyna suranys bolary sózsiz», dedi «Qazatomónerkásip»UAK vıtse-prezıdenti. Onyń aıtýynsha, 2011-14 jyldary álemde AES-terdi salý kóbeıetindikten ýranǵa suranys artady.