Qazaqstandyq ınternettiń resmı logotıpi paıda boldy

Búgin Astanada Internet segmenti júıesiniń qazaqstandyq logotıpin ázirleý boıynsha respýblıkalyq baıqaýdyń nátıjesi shyǵarylyp, jeńimpaz marapattaldy.

Konkýrstyq komıssııanyń quramyna burynǵy májilismender Baqyt Syzdyqova men Murat Ábenov, QR Baılanys jáne aqparat mınıstrliginiń, «Zerde» Ulttyq aqparattyq-kommýnıkatsııalyq holdınginiń», «Qazkontent» AQ-nyń ókilderi jáne belgili qazaqstandyq blogerler endi.

Baıqaýǵa 70-ke jýyq dızaınerden 200-ge tarta usynys tústi. Jeńimpaz BNews.kz portalynda ótken onlaın-daýys berý arqyly anyqtaldy. Nátıjesinde, Qostanaı qalasynyń 59 jastaǵy turǵyny, sýretshi, grafıst jáne plakatshy ıÝrıı Novoselov ınternetti paıdalanýshylardyń 40 paıyzdan astam daýysyn jınady. Onyń usynǵan logotıpi budan bylaı qazaqstandyq ınternettiń resmı logotıpi sanalatyn bolady. Jeńimpaz IRad planshettik kompıýterimen marapattaldy.

ıÝ.Novoselov erkin sýretshi, es bilgeli qylqalamdy janyna serik etken. Logotıptiń dızaınyn jasap shyǵarýǵa jarty kún ýaqytyn jumsaǵan.

M.Ábenov atap kórsetkendeı, qaznettiń logotıpteri úshin halyq arasynda daýys berý óte qyzý júrdi. Adamdardyń belsendiligi qazaqstandyq ǵalamtorǵa óziniń logotıpi qajet ekendigin kórsetti.

Qazaqstandyq ınternettiń resmı logotıpinen qazaqtyń ulttyq bolmysyna tán - shańyraqty, keń dalany, qyran qusty kórýge bolady.

Baıqaýdy QR Baılanys jáne aqparat mınıstrliginiń qoldaýymen «Qazkontent» AQ uıymdastyrdy.