Qazaqstandyq hokkeıshini AQSh klýby tańdap aldy
ASTANA. QazAqparat - Qazaqstan jasóspirimder quramasynyń forvardy Vladıslav Saıkony AQSh Hokkeı lıgasynyń draftynda De-Moın Bakkenırs klýby tańdap aldy, dep habarlaıdy «SPORTINFORM» SAA shaiba.kz-ke silteme jasap.
Osy maýsymda 17 jastaǵy hokkeıshi «Astana» men «Qulager» úshin oınady, Qazaqstan chempıonatynyń 36 matchynda 9 (4+5) upaı jınady. Rıgadaǵy jasóspirimder chempıonatynda 5 kezdesýdiń nátıjesi boıynsha 9 (4+5) upaıǵa ıe boldy. Sátbaevtyń «Qazaqmys» tárbıelenýshisi buǵan deıin Fınlıandııada oınaǵan.
Eske salaıyq, AQSh Hokkeı lıgasynda Astana tárbıelenýshisi Kırıll Panıýkov óner kórsetýde.
UHL drafty - Lıganyń kásibı klýbtaryna irikteýdiń belgili bir krıterıılerine saı jas hokkeıshilerge quqyq beretin, Ulttyq hokkeı lıgasynda ótetin jyl saıynǵy is-shara. UHL drafty jylyna bir ret ótedi.
