Qazaqstandyq hokkeıshiler Ýnıversıada fınalyna shyqty
ASTANA. QazAqparat - Qazaqstannyń erlerden quralǵan stýdenttik quramasy qysqy Ýnıversıadanyń jartylaı fınalynda Chehııany 2:1 esebimen utty, dep habarlaıdy sports.kz.
Birinshi kezeńde chehtardyń basymdyǵyna qaramastan, esepti qazaqstandyq Alekseı Antsıferov ashty. Jarys ortasyna taman Pavel Zıatkov esep aıyrmasyn ulǵaıtty, osyndaı artyqshylyqpen Qazaqstan sońǵy jıyrma mınýttyqqa jetti.
Sońǵy kezeńde Petr Shkoloýd chehııalyqtarǵa úmit syılap, bir gol saldy. Biraq olar esepti teńestire almady.
Búgin Astana ýaqyty boıynsha saǵat 21:00-de aqtyq saıysta Qazaqstan hokkeıshileri reseıliktermen kezdesedi.
