Qazaqstandyq hokkeıshiler áıelder arasyndaǵy Álem chempıonatynyń 1-dıvızıonyndaǵy aqtyq oıyndaryn ótkizip jatyr
ALMATY. 31 naýryz. QazAqparat - Búgin hokkeıden Latvııanyń Ventspıls qalasynda áıelder arasynda ótip jatqan Álem chempıonatynyń 1-dıvızıonyndaǵy «A»tobyndaǵy komandalardyń aqtyq oıyndary ótedi.
Onda qazaqstandyqtar Japonııa sportshylarymen saıysqa túsýde. 25 naýryzda bastalǵan bul dúbirli dodada Qazaqstan quramasy jeksenbide Latvııaǵa - 2:3, dúısenbide Avstrııaǵa - 2:6, sársenbide Norvegııaǵa - 1:2, al keshe Chehııaǵa 2:3 esebimen ese jibergen edi. Byltyr Shveıtsarııada ótken Álem chempıonatynda elıtalyq dıvızıonda óner kórsetken qazaqstandyqtar óz ornyn Slovakııa quramasyna bosatqan bolatyn. Bıyl 1-dıvızıonǵa túsip qalǵan olar elıtalyq dıvızıonǵa qaıta oralý múmkindigin júzege asyra almaýda.
