Qazaqstandyq hokkeıshiler álem chempıonatynda jeńilis tapty. VIDEO
ASTANA. 18 sáýir. QazAqparat - Qazaqstannyń hokkeıden erler komandasy álem chempıonatynyń birinshi dıvızıony A tobyndaǵy oıyndardyń úshinshi kúniniń nátıjesi boıynsha úshinshi orynǵa túsip qaldy.
Bul týraly Vesti.kz habarlady.
17 sáýir kúni vengrııalyq hokkeıshilerden 1:2 bolyp utylǵan qazaqstandyq qurama birinshi orynnan ǵana emes, ekinshiden de aıyrylyp qaldy. Bul oıynnan keıin Vengrııa quramasynyń enshisinde - jeti, qazaqstandyq hokkeıshilerde alty upaı bar.
100 paıyzdyq nátıjemen sońǵy matchta brıtandyq hokkeıshilerdi 5:1 esebimen oısyra utqan Italııa quramasy kósh bastap tur. Ulybrıtanııa quramasy úshin bul qatarynan úshinshi jeńilis boldy.
Azııalyq komandalar arasynda jeńiske ońtústikkoreıalyqtardy 6:5 esebimen utqan japondyqtar jetti. Nátıjesinde Japonııa quramasy úsh upaımen - tórtinshi, al Ońtústik Koreıa eki upaımen besinshi orynǵa ornalasty.
Qazaqstan quramasy kelesi matchty Ońtústik Koreıa komandasymen ótkizedi, Japonııa Ulybrıtanııamen, al Vengrııa Italııamen kezdesedi.
