Qazaqstandyq hokkeıshiler Álem chempıonatyna qatysady
ALMATY. 4 jeltoqsan. QazAqparat - Ýkraınanyń Donetsk qalasynda 10-16 jeltoqsan kúnderi hokkeıden 20 jasqa deıingi jastar arasynda Álem chempıonaty ótedi.
Onda Qazaqstan quramasy 1-shi dıvızonnyń «V» tobynda Ulybrıtanııa, Italııa, Polsha, Horvatııa jáne Ýkraına eliniń sportshylarymen saıysqa túspek. Vıktor Bogatyrev jattyqtyratyn ulttyq qurama Álem chempıonaty qarsańyndaǵy sońǵy ázirligin Belarýs elinde pysyqtap, onda 2 joddastyq kezdesý ótkizýdi josparlap otyr.
2011 jyly 12-18 jeltoqsanda Polshanyń Tyzhy qalasynda ótken Álem chempıonatynda olar japondyqtardy 2:1, polıaktardy 2:0, horvattardy 4:3 etip utyp, odan keıin frantsýzdarǵa 1:2, ıtalıandyqtarǵa 0:1 esebimen utylyp, 10 upaımen ekinshi oryn alǵan edi. Al frantsýzdar ıtalıandyqtardy 2:1, horvattardy 8:1, japondardan 5:0 esebimen jeńip, polıaktarǵa 3:2 bop utylǵanymen 12 upaı jınap «A» tobyna shyǵatyn jalǵyz joldamany qorjyndaryna salǵan. Onda Italııa (8 upaı), Polsha (7 upaı), Horvatııa (6 upaı), Japonııa (2 upaı) quramalary 3-6 oryndardy ózara bólisken bolatyn. Sonyń nátıjesinde japondyqtar óz ornyn bıyl tómengi topta jeńimpaz atanǵan Ulbyrıanııa komandasyna bosatyp otyr.
