Qazaqstandyq hokkeıshiler ÁCh qarsańynda tikeleı qarsylastarymen oınaıdy
ASTANA. QazAqparat - Qazaqstannyń hokkeı quramasy óz aıdynynda ótetin Álem chempıonaty qarsańynda týrnırdegi tikeleı qarsylastarymen kúsh synasady, dep habarlaıdy «SPORTINFORM» SAA Qazaqstannyń Hokkeı federatsııasyna silteme jasap.
Keshe Danııa astanasy Kopengagende ótip jatqan Halyqaralyq hokkeı federatsııasynyń kongresinde kelesi Álem chempıonatynyń birinshi dıvızıon kezdesýlerin Astanada ótkizý týraly sheshim qabyldanǵanyn habarlaǵan bolatynbyz.
Kongreste, sondaı-aq Qazaqstannyń erler ulttyq quramasynyń halyqaralyq týrnırlerge jáne kórneki matchtarǵa qatysatyny týraly da kelisimge qol jetkizildi.
2018 jylǵy 5-11 qarasha kúnderi Býdapeshtte Eýropa Shaqyrý kýbogy ótedi. Oǵan Italııa, Qazaqstan, Ońtústik Koreıa jáne Vengrııa quramalary qatysady.
2019 jylǵy 4-10 aqpan aralyǵynda Qazaqstannyń ulttyq quramasy Phenchhanda ótetin Eýroshaqyrý kýbogyna qatysady. Onda Qazaqstanǵa Ońtústik Koreıa, Japonııa jáne Reseı (olımpıadalyq quram) quramalary qarsylas bolady.
Álem chempıonatyna daıyndyq aıasynda elimizdiń ulttyq quramasy Avstrııa jáne Italııamen syrt alańda birneshe kórneki matchtar ótkizedi.
Tikeleı Álem birinshiliginiń qarsańynda Qazaqstan Belarýs jáne Ońtústik Koreıamen oınaıdy.
2019 jylǵy 23 sáýir. Qazahstan - Belarýs
2019 jylǵy 24 sáýir. Belarýs - Ońtústik Koreıa
2019 jylǵy 26 sáýir. Qazaqstan - Ońtústik Koreıa
