Qazaqstandyq hokkeıshiler 2018 jylǵy Olımpıadaǵa qatysý múmkindiginen aıyryldy
ASTANA. QazAqparat - Hokkeıden Qazaqstan quramasy 2018 jyly ótetin Olımpıadaǵa irikteý týrnıriniń F tobynda ekinshi matchta jeńilis tapty, dep habarlaıdy Sports.kz.
Frantsııa quramasymen bolǵan oıyn 1:4 esebimen qarsylastyń paıdasyna sheshildi.
Osylaısha, Qazaqstan quramasy tek eki upaı ǵana jınaı aldy. Budan ary qaraı toptaǵy oıynshylardyń jaǵdaıy qandaı bolǵanda da, jerlesterimiz kvartettegi 1 oryndy ıelene almaıdy. Al koreıalyq Phenchhanda ótetin Olımpıadaǵa joldama tek birinshi oryn alǵan quramaǵa ǵana beriledi.
Jeksenbi kúni qazaqstandyq hokkeıshiler Italııa quramasyna qarsy oınaıdy. «Kazsport» telearnasy oıyndy tikeleı efırde kórsetedi.
Frantsııa - Kazahstan 4:1 (2:1, 0:0, 2:0)
Shaıbalar:
0:1 - 00:20 Doýs. Oıynshylar sany teń jaǵdaıda;
1:1 - 07:10 Treı Sasha (Shakıashvılı). Oıynshylar sany teń jaǵdaıda;
2:1 - 15:32 Flerı (da Kosta). Oıynshylar sany teń jaǵdaıda;
3:1 - 55:31 Flerı (Janıl). Oıynshylar sany teń jaǵdaıda;
4:1 - 57:40 Doýı (Treı Iorık). Oıynshylar sany teń jaǵdaıda;
Shtraf: 6:46 (2:2, 2:0, 2:4).
