Qazaqstandyq hokkeıshi sheteldik klýbpen kelisimshartqa otyrdy

ASTANA. QazAqparat – Qazaqstandyq hokkeıshi Roman Savchenko rýmynııalyq «Chıksereda» klýbymen kelisimshartqa otyrdy, dep habarlaıdy QazAqparat tilshisi.

Atalmysh klýbtyń resmı saıtynan málim etkenindeı, «Chıksereda» komandasyna R.Savchenkomen birge reseılikter ıAkov Seleznev pen Ilıa Krıkýnov alyndy.

Qorǵaýshy, 34 jastaǵy Roman Savchenko jýyrda astanalyq «Nomad» klýbynan ketken edi.

Roman Qurlyqtyq hokkeı lıgasynda 14 maýsym boıy óner kórsetti. Sonyń ishinde 11 maýsymda «Barys» namysyn qorǵady. Sondaı-aq «Lokomotıv» (ıAroslavl) pen «Sıbır» (Novosibir) quramynda da boldy.

R.Savchenko Qazaqstan quramasy sapynda bes jylda 29 oıyn ótkizdi.

Eske sala keteıik, budan buryn «Barys» hokkeıshisiniń Qazaqstan azamattyǵynan aıyrylǵanyn jazǵan bolatynbyz.

Sýret – «Nomad» klýby