Qazaqstandyq hokkeıshi «Barys» klýbyna qaıtyp oraldy
«Barys» hokkeı klýbynan málim etkenindeı, shabýylshymen kelisimshart 2023 jyldyń 30 sáýirine deıin jasalǵan.
D.Shevchenkonyń esimi qazaqstandyq jankúıerlerge jaqsy tanys. Ol tórt jyl boıy «Barystyń» namysyn qorǵady.
Bıylǵy maýsymdy hokkeıshi «Avangard» komandasynda bastady. Ombylyq klýbtyń sapynda Dmıtrıı QHL-da 17 match ótkizip, 1 gol soǵyp, 1 nátıjeli pas berdi.
«Barysta» D.Shevchenko 95-nómirmen óner kórsetetin bolady.
Elordalyq klýb Qurlyqtyq hokkeı lıgasynda Shyǵys konferentsııasynda 35 upaımen toǵyzynshy orynda keledi. Pleı-off básekesine shyǵýǵa múmkindik beretin úzdik segizdikke iligý úshin Andreı Skabelkanyń shákirtterine aldaǵy oıyndarda upaıdy joǵaltpaý kerek-aq.
«Barys» kelesi kezdesýin Astanada 6 jeltoqsanda «Ak Bars» (Qazan) komandasymen ótkizedi.