Qazaqstandyq hokkeıshi áıelder Álem chempıonatyn jeńilispen aıaqtady
ASTANA. 14 sáýir. QazAqparat - Qazaqstannyń hokkeıden áıelder quramasy Frantsııada ótken Álem chempıonatynyń sońǵy kúninde «V» tobyndaǵy birinshi dıvızıonynda Qytaı komandasynan jeńilis tapty.
Vesti.kz-tiń habarlaýynsha, qytaılyq qyzdar matchtyń esebin 11-shi mınýtta ashty. Ekinshi kezeńde Qazaqstannyń qaqpasyna taǵy eki shaıba kirdi. Oıynnyń 53-inshi mınýtynda qazaqstandyqtardyń qaqpasyna sońǵy tórtinshi shaıba túsip, qorytyndy esep 4:0-di qurady.
Osylaısha, Qazaqstannyń áıelder quramasy úzdik hokkeıshiler elıtasyna orala almady.
