Qazaqstandyq hokeıshiler jartylaı fınalda AQSh quramasymen kezdesedi
ASTANA. 19 jeltoqsan. QazAqparat - Italııanyń Torentıno qalasynda ótip jatqan Qysqy ýnıversıadada Qazaqstannyń stýdenttik quramasy jartylaı fınalǵa shyqty.
Búgin olardyń qarsylastary anyqtaldy. Italııany 5:0 esebimen jeńgen AQSh quramasy qazaqstandyq hokkeıshilermen kezdesetin boldy.
Aıta keteıik, toptyq kezeńde hokkeıshilerimiz Ýkraına, Japonııa men Kanada quramalaryn jeńip, shırek fınalda Latvııany 6:1 esebimen aıqyn basymdyqpen utty. Bul oıynda Aleksandr Shın, Nıkıta Kovzalov, Aleksandr Zýbkov, Konstantın Savenkov, Leonıd Metalnıkov syndy «Qaztsınk-Torpedonyń» oıynshylary shaıba soǵyp, kózge tústi. Al Evgenıı Rymarev matchtyń úzdik hokkeıshisi atandy. Ol bir shaıbamen birge úsh nátıjeli pas bere bildi.
Endi, jartylaı fınalda Qazaqstannyń stýdenttik quramasy AQSh hokkeıshilerimen kezdesedi.
