Qazaqstandyq hırýrg ıÝrıı Pıa týraly fılm Katmandý qalasynda kórsetiledi
ASTANA. QazAqparat - Sh.Aımanov atyndaǵy «Qazaqfılm» AQ «Almatyfılm» JShS qatysýymen jaryqqa shyǵarǵan «Júrekterge jańa ǵumyr syılaǵan» derekti fılmi jeltoqsannyń 8-i men 12-i aralyǵynda Katmandý qalasynda (Nepal) ótetin 14-shi Halyqaralyq kınofestıvaldiń baıqaýdan tys baǵdarlamasynda kórsetiledi. Fılmniń rejısseri - Ońdasyn Tastanov.
Derekti fılm halyqaralyq deńgeıli úzdik kardıohırýrgtardyń biri - medıtsına ǵylymdarynyń doktory ıÝrıı Pıanyń qyzmeti jáne onyń alǵashqy naýqastary týraly syr shertedi.
«ıÝrıı Pıa - hırýrg bolýǵa jaratylǵan adam. Fılmge onyń biliktiligi týraly aıtatyn áriptesteri men ómirin saqtap qalǵan naýqas jandar qatysqan. Bul fılm shetelde kórsetiletinine qýanyshtymyn», - dedi fılmniń rejısseri Ońdasyn Tastanov.
Gımalaı Assotsıatsııasynyń (Himal Association) uıymdastyrýymen Katmandý qalasynda jyl saıyn ótetin Halyqaralyq kınofestıval 2000 jyldan beri ótkizilip keledi. Bıyl festıval sheńberinde Germanııa, Qytaı, Frantsııa, Úndistan, Túrkııa, AQSh, Koreı syndy memleketterdiń 80-ge jýyq fılmderi kórsetiledi.
Aıta keteıik, «Júrekterge jańa ǵumyr syılaǵan» atty derekti fılm halyqaralyq deńgeıli úzdik kardıohırýrgtardyń biri - medıtsına ǵylymdarynyń doktory, QR Densaýlyq saqtaý jáne áleýmettik damý mınıstrliginiń shtattan tys bas kardıohırýrgy ıÝrıı Pıanyń qyzmeti jáne onyń alǵashqy naýqastary týraly. ıÝrıı Pıa Qazaqstanda kardıohırýrgııalyq járdem qyzmetin jolǵa qoıý jáne damytýǵa qomaqty úles qosty, sonyń usynýymen ondaǵan naýqastardyń ómirin saqtap qalǵan jańa ozyq medıtsınalyq tehnologııalardy engizý múmkin boldy.
