Qazaqstandyq grossmeıster Dármen Sádýaqasov jas shahmatshylar úshin sheberlik saıysyn ótkizedi
ASTANA. Naýryzdyń 12-si. QazAqparat /Gúlnár Jandaǵulova/ - Tanymal qazaqstandyq grossmeıster Dármen Sádýaqasov «Bolashaq» baǵdarlamasy stıpendıattary qaýymdastyǵynyń uıymdastyrýymen jas shahmatshylarmen sheberlik saıysyn ótkizedi, dep habarlady qaýymdastyqtyń baspasóz qyzmetinen.
Sheberlik saıysy senbi kúni, naýryzdyń 13-inde QR Tuńǵysh Prezıdentiniń fızıkalyq-matematıkalyq baǵyttaǵy «Órken» zııatkerlik mektebiniń akt zalynda ótedi.
Ataqty shahmatshy, jastar arasyndaǵy álem chempıony Dáýren Sádýaqasov shahmat álemindegi sońǵy jańalyqtar, óziniń tabystarynyń syrlary jáne ózi jıi paıdalanatyn shahmat kombınatsııalary týraly áńgimelep beredi. Sońynan shahmat klýby oqýshylarymen birneshe taqtada bir mezgildegi seans oıynyn ótkizedi.
