Qazaqstandyq grek-rım kúresi sheberleri Olımpıada oıyndaryna 7 salmaqtyń beseýinen ǵana qatysatyn boldy
ALMATY. 8 mamyr. QazAqparat - Londondaǵy HHH Jazǵy Olımpıada oıyndaryna Qazaqstan quramasy bıyl tolyq qurammen qatyspaıtyn boldy. Keshe Fınlıandııanyń Helsınkı qalasynda aıaqtalǵan aqtyq irikteý týrnırinde úmit artqan eki balýan da alǵashqy aınalymnan asa almady.
Atap aıtqanda 55 kelidegi Marat Kárishalov (55kg) ýkraınalyq Vıýgar Ragımovqa 4:6, 0:6, Alhazýr Ozdıev (96 kg) lıtvalyq Mındaýgas Ezerkıske 0:1, 0:4 bop utyldy. Endi 4 jylda bir ótetin áleminiń eń iri baıraqty básekesinde el namysyn Olımpıada joldamasyn Álem jáne Azııa chempıonaty men halyqaralyq týrnırlerde ıelengen Almat Kebisbaev, Darhan Baıahmetov, Asqat Dilmuhamedov, Danııal Gadjıev pen Nurmahan Tinálıev qorǵaıtyn boldy.
