Qazaqstandyq grek-rım kúresi sheberleri Ivan Poddýbnyı memorıalynan 1 qola medal oljalady
ALMATY. 11 qańtar. QazAqparat /Erlik Erjanuly/ - Qańtardyń 9-10 kúnderi Reseıdiń Tıýmen qalasynda grek-rım kúresinen Ivan Poddýbnyıdy eske túsirýge arnalǵan halyqaralyq týrnır ótti.
Oǵan jarys qojaıyndarynan basqa Qazaqstan, Qyrǵyzstan, Ózbekstan, Túrikmenstan Belarýs, Estonııa jáne Izraılden 129 balýan qatysty. Onda el namysyn qorǵaǵan 7 qazaqstandyqtyń arasynan 66 keli salmaqta qostanaılyq Beıbit Nuǵymanov júldegerler qataryna ilikti. Ol shırek fınalda týrnır jeńimpazy atanǵan Olımpıada chempıony Bek Albıevke utyldy. Al qola júlde úshin bolǵan saıysta Amboko Vachadzeden basym túsken edi. Ózge balýandardan 84 kelidegi Roman Meleshın júldegerler qataryna iligýge 1 taban qalǵanda súrindi. Ol qola júlde úshin bolǵan beldesýde bashqurt Azamat Bıkbaevqa ese jiberdi.
