Qazaqstandyq grek-rım balýandary Azııa oıyndarynda úsh qola aldy

ASTANA. QazAqparat - Búgin Azııa oıyndarynda kúres túrlerinen báseke aıaqtalady. Grek-rım kúresinen 97 kelide el namysyn qorǵaǵan Erulan Ysqaqov qola júldeger atandy dep habarlaıdy QazAqparat tilshisi.

QR Ulttyq Olımpıadalyq komıtettiń baspasóz qyzmeti málim etkendeı, Erulan týrnırdi 1/8 fınaldan bastap, Ońtústik Koreıa ókilinen 1:6 esebimen utylǵan edi.

Qola medal úshin kúreste ol ırandyq Álı Akbar Heıdarımen beldesip, 10:0 esebimen jeńiske jetti.

Bul grek-rım kúresinen Qazaqstan enshisindegi úshinshi qola medal.