Qazaqstandyq «Golos Rossıı» vokaldyq baıqaýynyń júldegeri boldy
PAVLODAR. QazAqparat - Pavlodar qalasyndaǵy mýzykalyq kolledjdiń ekinshi kýrs stýdenti Dılıara Asaınova «Golos Rossıı» búkilreseılik ashyq qashyqtyq vokal baıqaýynda 2 oryn aldy, dep habarlaıdy Ravlodarnews.kz.
Oblystyq bilim berý basqarmasynyń málimdeýinshe, oqytýshysy Malıka Kazmagambetova óziniń oqýshysyna darynnyń san qyryn ashýǵa kómektesedi.
« Dılara - talantty ánshi jáne minezi de jaqsy. Bala kezinen kórý qabiletinde qıyndyqtar týyndaǵanyna qaramastan, úlken sahnada óner kórsetip, kórermenge ádemi óner syılaýdy armandaıdy « , - deıdi Malıka Kazmagambetova.
Ol daryndy stýdentiniń aldaǵy ýaqytta talaı belesti baǵyndyryp, Qazaqstandy álemdik deńgeıde tanytady dep úmittenedi.
« Mýzyka maǵan óz oılarym men sezimimdi jetkizýge, al erekshe halyq kúıleri emotsııalardyń tereńdigin túsinýge úıretti. Ásirese qobyz aspabynda oınaǵandy erekshe unatamyn « , - deıdi Dılıara.
