Qazaqstandyq golfshy qyz World Amateur Golf reıtıngine endi
ASTANA. QazAqparat - 15 jastaǵy sportshy Rıvekka Jumaǵulova golf boıynsha Álemdik áýesqoı (World Amateur Golf Ranking) reıtıngine endi. Bul, oǵan jınaǵan upaı sany boıynsha bolashaqta olımpıada oıyndaryna qatysýǵa múmkindik beredi, dep habarlaıdy QazAqparat QR Mádenıet jáne sport mınıstrligi Sport jáne dene shynyqtyrý isteri komıtetine silteme jasap.
Esterińizge salaıyq, 16-17 aqpanda bizdiń otandasymyz Global Junior Golf Tour aıasynda Portýgalııada ótken Portuguese Intercollegiate Open 2018 týrnırinde jeńiske jetti. Búginde ol óziniń jattyqtyrýshysy, belgili ıspandyq maman Ricardo Eliaeson-nyń qolastynda jattyǵady. Ony alda úsh reıtıngtik týr kútip tur: aqpan aıynyń sońynda A kategorııaly týrnır - Spanish International Ladies' Championship 2018, ol jerge eresekter kategorııasynda óner kórsetetin Eýropanyń eń myqty golf oıynshylary jınalady. Sondaı-aq naýryz aıynda Valensııa men Madrıd Chempıonattary.
Aıta keteıik, Rıvekka óziniń 15 jasynda biraz belesterdi baǵyndyrǵan sportshy. Ol 12 jasynan bastap halyqaralyq týrnırlerde óner kórsetip keledi: Shotlandııa men Italııada ótken U.S.Kids Golf (5 jáne 2 oryn), Shotlandııada ótken Van Horna Kýboginde reseılik Natalıa Gýsevamen, Shveıtsarııa jáne Germanııadan kelgen dýetke qarsy óner kórsetip jeńiske jetti. Eresekter arasynda ótken Bolgarııa Chempıonatynyń eki dúrkin jeńimpazy, bir márte kúmis medal ıegeri. Serbııanyń ashyq Chempıonatynda qola medal aldy, Chehııada ótken Nıka Faldo Serııasynyń jeńimpazy. 2017 jyly BAÁ uıymdastyrylǵan Faldo serııasy grand fınalynyń qatysýshysy. Ótken jyldyń qyrkúıeginde Rıvekka Qazaqstan Chempıonatynyń kúmis medalin ıelendi. Ol 2018 jyldy Ispanııada ótken Alıkante Chempıonatyndaǵy jeńisimen bastady.
