Qazaqstandyq gımnastshy Anna Alıabeva Ispanııada ótken jarysta kúmis júldeger atandy
ASTANA. Mamyrdyń 17-si. QazAqparat - Qazaqstandyq gımnastshy Anna Alıabeva Ispanııanyń Marbele qalasynda kórkem gımnastıkadan ótken gran-prı serııasynyń besinshi kezeńinde kúmis júldeger atandy. Bul týraly QazAqparatqa Astana qalasynyń týrızm, dene shynyqtyrý jáne sport basqarmasynyń baspasóz qyzmetinen habarlady.
Astanalyq sportshy sheńbermen jattyǵýda 27,750 upaı alyp, kúmis medaldy qanjyǵalady. Jattyǵýdyń bul túrinde reseılik gımnastshy E.Qanaeva 29,050 balmen birinshi oryn alsa, reseılik sportshy Darıa Dmıtrıeva 27,675 balmen úshinshi oryndy qanaǵat tutty.
Sekirgishpen jattyǵýda qazaqstandyq sportshy besinshi oryn alyp (26,875), Net Rıvkın (Izraıl), Alııa Garaevý (Ázirbaıjan), Sılvııý Mıteva (Bolgarııa) sııaqty tanymal gımnastshylardan ozdy.
Al doppen jattyǵýda Anna 23,600 balmen - toǵyzynshy oryndy, lentamen jattyǵýda 26,575 balmen - jetinshi oryndy qanaǵat tutty.
Kópsaıystyń qorytyndysy boıynsha barlyq tuǵyrǵa reseılikter kóterildi. Olımpıada chempıony Evgenııa Kaneva - birinshi, Darıa Kondakova - ekinshi, Darıa Dmıtrıeva - úshinshi oryndy ıelendi. Al A.Alıabeva kópsaıysta altynshy oryndy qanaǵat tutty.
Kórkem gımnastıka boıynsha gran-prı serııasynyń besinshi kezeńi mamyrdyń 14-16-sy aralyǵynda Ispanııanyń Marbele qalasynda ótti.
