Qazaqstandyq gımnast Túrkııadaǵy álem kýbogy kezeńiniń fınalyna shyqty
NUR-SULTAN. QazAqparat – Túrkııada sporttyq gımnastıkadan Álem kýbogy kezeńi ótip jatyr. Álemdik týrnır aıasynda qazaqstandyq Mılad Karımı eki fınalǵa joldama aldy, dep habarlaıdy QazAqparat Ulttyq olımpıada komıtetine silteme jasap.
Ol qolyn tirep sekirýde 14.008 upaı jınap, irikteý saıysynda tórtinshi oryn aldy. Sondaı-aq, qazaqstandyq sportshy beltemirde jattyǵý jasaýdan medal úshin talasady. Ol 13.350 upaımen altynshy oryn alyp, fınalǵa ótti.
Eske salaıyq, qazaqstandyq gımnast Mılad Karımı Tokıodaǵy Olımpıada oryndarynda altynshy oryn alǵan bolatyn.
