Qazaqstandyq gımnast alǵash ret jasóspirimder arasynda álem chempıonatynyń júldegeri atandy
ASTANA. QazAqparat – Qazaqstandyq Zeınolla Ydyrysov Túrkııanyń Antalıa qalasynda jasóspirimder arasynda ótip jatqan álem chempıonatynda qola júldeger atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, Z.Ydyrysov at snarıadynda 14.066 balmen úzdik úshtikke ilikti.
Ol tek armenııalyq sportshylarǵa ǵana jol berdi. Gamlet Manýkıan (14.633) chempıon atansa, Mamıkon Hachatýrıan (14.100) kúmis júldege ıe boldy.
Bul – Qazaqstan sportshylarynyń gımnastıka tarıhynda jasóspirimder arasynda álem chempıonatyndaǵy alǵashqy medali.
Antalıadaǵy álem birinshiligi 2 sáýirde qorytyndylanady.
