Qazaqstandyq gımnast Álem kýbogynda aýyr jaraqattandy
ASTANA. QazAqparat - 18 jastaǵy qazaqstandyq gımnast Mılad Karımı Avstralııanyń Melbýrn qalasynda ótken Álem kýbogynyń ekinshi kezeńinde aýyr jaraqattandy, dep habarlaıdy «SPORTINFORM» SAA.
Karımı Instagram-daǵy paraqshasynda jaraqat alǵan sáti túsirilgen vıdeony jarııalap: «Daýysyn qosa kórińizdershi. Mundaǵy daýys jaǵymnan emes, qolymnan shyqqan. Qoldaý bildirgen barshaǵa rahmet. Búgin ota jasap, súıekterimdi qaıta jınady», - dep jazdy. Ekinshi postynda ol úshin bıylǵy maýsym aıaqtalǵanyn jazdy.
Aıta keteıik, 22-25 aqpan aralyǵynda Melbýrnde qazaqstandyq sportshylar - Mılad Karımı men Narıman Qurbanov Álem kýbogynyń ekinshi kezeńine qatysty.
Eske sala ketsek, Karımı ótken jyly sporttyq gımnastıkadan Álem kýbogynda Qazaqstan tarıhynda alǵash ret kúmis medal jeńip alǵan bolatyn.
