Qazaqstandyq gımnasshylar Azııa chempıonatynda eki medal jeńip aldy
NUR-SULTAN. QazAqparat – Qazaqstandyqtar Dohada (Katar) sporttyq gımnastıkadan ótken Azııa chempıonatynda eki medal jeńip aldy, dep habarlaıdy QazAqparat tilshisi.
Qazaqstan gımnastıka federatsııasynan málim etkenindeı, Narıman Qurbanov at snarıadynda 14.800 upaımen kúmis júldege ıe boldy.
Munda ıordanııalyq gımnast (15.255) jeńiske jetse, qytaılyq sportshy (14.600) qola medalǵa ıe boldy.
Sondaı-aq, Mılad Karımı kermedegi jattyǵýdan 14.133 ball jınap, qola júldeger atandy.
Azııa chempıonatynda qazaqstandyq qyzdar da jaqsy óner kórsetti. Qol tirep sekirýde Darıa ıAsınskaıa tórtinshi, Kórkem Erbosynqyzy altynshy orynǵa taban tiredi.
Osylaısha, sporttyq gımnastıkadan Qazaqstan ulttyq quramasy bıyl 28 qazan – 6 qarasha aralyǵynda Lıverpýlda (Ulybrıtanııa) ótetin álem chempıonatyna joldama aldy.
Aıta keteıik, Mılad Karımı ótken jyly Tokıo olımpıadasynda baq synaǵan bolatyn.
