Qazaqstandyq gımnasshylar Álııa Asymova men Anna Alıabeva Azııa chempıondary atandy
ANA. 17 maýsym. QazAqparat - 16 maýsymda Astanada kórkem gımnastıkadan V Azııa chempıonatynyń ekinshi jarys kúni aıaqtaldy.
Jarys baǵdarlamasynda jasóspirimder arasynda toptyq jattyǵýlar, býlava jáne lenta jattyǵýlary ótse, eresekter arasynda kópsaıystyń birinshi fınaly boldy, dep habarlady elordalyq týrızm, dene shynyqtyrý jáne sport basqarmasynyń baspasóz qyzmetinen.
Jarystyń birinshi kúniniń qorytyndysy boıynsha, jeke birinshilikte sheńber jattyǵýymen elordalyq №1 sport mektebiniń tárbıelenýshisi Álııa Asymova kósh bastady. 14 jasar Álııa jarystyń ekinshi kúni de tamasha óner kórsetip, Azııa chempıony ataǵyn jeńip aldy. 
Toptyq jattyǵýlarǵa, ókinishke qaraı, qazaqstandyq qyzdar jankúıerlerin qýanta almady. Japonııa, Qytaı jáne Ózbekstan sportshylary júldelik úsh orynda ózara bólip aldy. Qazaqstan tórtinshi oryndy qanaǵat tutty.
Kópsaıys boıynsha jeke birinshiliktiń fınalynda Azııa oıyndarynyń eki dúrkin chempıony qazaqstandyq Anna Alıabeva aldyna jan salmady. Ol barlyq jattyǵýdy tamasha oryndap, Azııa chempıony atandy.
Búgin toptyq jattyǵýlar boıynsha jáne jasóspirimder men eresekter arasyndaǵy jeke birinshiliktiń fınaldyq jarystary ótedi.
