«Qazaqstandyq GGG» Aıda Satybaldınova kásibı rıngte jeńiske jetti
ASTANA. QazAqparat - Qazaqstandyq boksshy Aıda Satybaldınova (1-0-1) kásibı rıngtegi úshinshi aıqasyn ótkizdi, dep habarlaıdy Sports.kz.
Ol Los-Andjelestegi Westin Bonaventure Hotel-de (AQSh) amerıkalyq debıýtant Keılın Hansenmen qolǵap túıistirdi. Tóreshiler sheshimimen tórt raýndyq aıqas Satybaldınovanyń jeńisimen aıaqtaldy. Osylaısha, Aıdanyń rekordy 2-0-0, al onyń básekelesi kásibı rıngtegi jolyn sátsiz bastady.
Eske sala ketsek, «Ledı Sparta» alǵash ret 17 naýryz kúni amerıkalyq Lıza Portermen (1-1-2) aıqasqa shyǵyp, teń túsken edi. Odan keıingi kezdesýinde Satybaldınova meksıkalyq Anette Pabelodan basym tústi.
Shet memleketterde Aıdany kúshti soqqysy úshin otandasy Gennadıı Golovkınge (37-0-1, 33 KO) teńep, «áıelder arasyndaǵy GGG» dep ataıdy.
