Qazaqstandyq geologtar kásibı merekelerin birinshi ret resmı túrde atap ótpek
ALMATY. 25 naýryz. QazAqparat - Almatyda Q.Satpaev atyndaǵy Geologııalyq ǵylymdar ınstıtýtynda 30 naýryz kúni «Geolog kúnine» arnalǵan saltanatty is-shara ótedi.
Esterińizge sala keteıik, byltyrǵy jyldyń sońynda Qazaqstan Respýblıkasynyń Prezıdenti N.Á.Nazarbaevtyń Jarlyǵymen Qazaqstan geologtarynyń kásibı merekesi belgilengen bolatyn.
Alǵash ret atap ótiletin saltanatty sharaǵa QR Indýstrııa jáne jańa tehnologııalar men Munaı jáne gaz mınıstrlikteriniń basshylary, «Samruq-Qazyna», «Qazgeologııa», «QazMunaıGaz» AQ-y jáne basqa QR ulttyq kompanııalarynyń túrli deńgeıdegi basshylary, QR geologııalyq uıymdarynyń, geologııa qyzmetkerleriniń kásipodaǵy, geodezııa jáne kartografııa uıymdarynyń ókilderi, sondaı-aq geologııa qyzmetiniń ardagerleri qatysady dep kútilýde.
