Qazaqstandyq Gennadıı Golovkın bokstan chempıondyq ataqtaryn úshinshi ret qorǵaıdy
ALMATY. 6 qańtar. QazAqparat - AQSh-tyń Nıý-Iork qalasynda 19 qańtar kúni orta salmaqtaǵy Búkiálemdik boks qaýymdastyǵynyń (WBO) Álem jáne Halyqaralyq boks uıymynyń (IBO) chempıony 31 jasar qazaqstandyq Gennadıı Golovkın úshinshi ret óz ataqtaryn qorǵaıdy.
Onyń bul jolǵy qarsylasy amerıkandyq Gabrıel Rosada bolmaq. 27 jasar bul boksshy buǵan deıin 26 kezdesý ótkizip, onyń 21-inde (13-in nokaýtpen) jeńiske jetip, 5 ret (bireýinde nokaýtpen) jeńilis tapqan bolatyn. 2010 jyldyń 9 jeltoqsanynan bastap 7 jekpe-jekte jeńiske jetken ol kásipqoı bokstaǵy alǵashqy jekpe-jegin 2006 jyly 13 qańtarda Fıladelfııada bastaǵan edi. Onyń eń sońǵy jeńilisi 2010 jyldyń 30 shildesinde Fıladelfııada boldy. Sýper-jartylaı orta salmaqtaǵy USBA chempıony ataǵy úshin Derek Ennıspen bolǵan kezdesýde jeńilis tapqan ol, 2011 jyly 26 aqpanda Jamaal Davısti utyp, NABA chempony, 9 qyrkúıekte bos turǵan USA Pensılvanııa shtaty chempıony, al 2012 jyldyń 1 maýsymynda bos turǵan WBO-nyń qurlyqaralyq chempıony atanǵan edi. Alaıda óz ataǵyn birde-bir qorǵamaǵan ol sońǵy kezdesýin 2012 jyly 21 qyrkúıekte Sharles Ýıttakermen (Charles Whittaker) ótkizip, Álem chempıony ataǵyna talasýǵa múmkindik aldy.
1983 jyly 8 sáýirde Qaraǵandyda ómirge kelgen Gennadıı Golovkın bolsa buǵan deıin kásipqoı boks rınginde 24 kezdesý ótkizip, bárinde (21-in nokatpen) jeńiske jetken bolatyn. Alǵashqy jekpe-jegin 2006 jyly 6 mamyrda Germanııada ótkizgen ol Gabor Bolohty nokaýtpen utqan edi. 16 kezdesýden keıin 2009 jyly 7 qarashada John Anderson Karvalhony utyp, bos turǵan WBO-nyń qurlyqaralyq chempıony atanǵan Gennadıı 1 kezdesýden keıin 2010 jyly 14 tamyzda Mılton Nýnezdi jeńip WBO-nyń Álem chempıony belbeýin ıelendi. 2010 jyly 2 ret Álem chempıony ataǵyn sátti qorǵaǵan soń, 2011 jyly 9 jeltoqsanda Lajýan Sımonnyń (Lajuan Simon) ІVO chempıony ataǵyn tartyp alǵan soń, WBO-nyń Álem chempıony jáne ІVO chempıony ataqtaryn qorǵaýda 2012 jyly 12 mamyrda Ýkraınada Makoto Fýshıgamıdi, 1 qyrkúıekte AQSh-ta Grzegors Proksany tehnıkalyq nokatpen jeńip shyqty.
