Qazaqstandyq ǵaryshkerler jasaǵyna irikteý júrip jatyr – Aıdyn Aıymbetov
Bul týraly qazaqstandyq ǵaryshker Aıdyn Aıymbetov Jas Otan Sases jastar sessııasynda málimdedi.
«Qazirgi ýaqytta Qazaqstanda ǵarysh qyzmeti damyp keledi. Árıne, Tuńǵysh Prezıdent - Elbasynyń qoldaýy men baqylaýynyń arqasynda ǵarysh salasy qazirgi damýyna qol jetkizdi. Bizdiń úsh ǵaryshkerimiz bar - Áýbákirov Toqtar Ońǵarbaıuly, Musabaev Talǵat Amangeldiuly jáne men. Qazir Nazarbaev Ýnıversıtetiniń janynda Ulttyq ǵarysh ortalyǵy salynyp jatyr. Qazaqstanda jobalaý kezeńinen bastap synaq kezeńine deıin bárin bizdiń Qurastyrý-synaý kesheninde jasaýǵa bolady. Kishkentaı jerserikterden 6 tonna bolatyn úlkenine deıin jasaı alamyz. Endi aldymyzda telekommýnıkatsııalyq jer serigi men jerdi qashyqtyqtan zondtaý serikterin shyǵarý mindeti tur», - dedi ǵaryshker.
Sonymen birge, Aıdyn Aıymbetov Qazaqstan ǵaryshkerler jasaǵyna kelesi irikteýge daıyndyq júrip jatqanyn habarlady jáne ǵaryshker bolǵysy keletin jastarǵa densaýlyǵyn teksertýge keńes berdi.
«Ásirese, muryn keńsiriginiń qısaıýyn túzetýge bolady, bul úmitkerlerde jıi kezdesedi. Eń aldymen qazaqstandyqtar jer ústindegi tájirıbelerge qatysady. Óıtkeni, ushý kezinde ǵaryshkerler uzaq ýaqyt boıy shekteýli keńistikte bolady, bul úlken moraldyq jáne psıhologııalyq kúshti qajet etedi. Jobaǵa qatysqysy keletinder Turan dańǵyly, 89 mekenjaıyndaǵy Ulttyq ǵarysh ortalyǵyna kele alady», - dedi A. Aıymbetov.
