Qazaqstandyq ǵalymdardyń jobasy 850 mln teńge tabys tapty

«Ótken jyly biz 852 mıllıon teńge kommertsııalyq tabys taptyq. Jemisin bergen naqty jobalar barshylyq. Máselen, Kókshetaý mıneraldy sýy óz ónimderin shyǵara otyryp, 441 mıllıon teńge kommertsııalyq kiris kórdi», - deıdi Ánýarbek Sultanǵazın.
Basqarma tóraǵasy tehnıkalyq baǵyttaǵy otandyq ónimder týraly da sóz qozǵady.
«Qaztehnıkos» ónimi bar. Bizdiń ǵalymdar jaryqdıodty shamdar úshin arnaıy qýat kózin oılap tapty. Ol ónim jaryqdıodty shamdardyń qyzmet etý merzimin eki esege arttyrady. ıAǵnı, osy ónim arqyly shamǵa qatty júkteme túspeı, qyzmet kórsetý merzimi uzarady. Bul joba qazirdiń ózinde elimizdiń 11 óńirinde iske asyrylyp jatyr», - deıdi Ánýarbek Sultanǵazın.
Eske sala ketsek, «Ǵylym qory» AQ Basqarma tóraǵasy Ánýarbek Sultanǵazın úsh konkýrstyń nátıjesi boıynsha maquldanǵan jobalarǵa otandyq bıznes ókilderi burynǵydan kóbirek aqsha bóle bastaǵanyn aıtqan bolatyn.
«Alǵashqy konkýrsqa bar-joǵy 337 joba kelip tústi de, sonyń nátıjesi boıynsha 32 joba qarjylandyrý boıynsha qoldaý tapty. Al 2017 jyly ótkizgen konkýrsqa 502 joba tústi. Olardyń ishinde 72 joba qoldaýǵa ıe boldy. Sonymen qatar, úshinshi konkýrsqa 431 joba qabyldanyp, onyń 78-i irikteldi. Osylaısha, iske asyrylǵan jobalardy eseptep otyrsaq, úsh konkýrs boıynsha maquldanǵan jobalarǵa bólinetin qarajattyń 40,3 paıyzyn bıznes ókilderi aýdarǵan. Demek, bıznes qazirgi tańda Qazaqstanda ǵylymmen jumys isteýge bolatynyna sendi», - deıdi Ánýarbek Sultanǵazın.