Qazaqstandyq ǵalymdardyń jetistikteri shetelde moıyndalýda - Ashat Aımaǵambetov

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Facebook-tegi paraqshasynda Qazaqstan ǵalymdarynyń ǵylymı jetistikterin shetelde moıyndap jatqany týraly jazdy, dep habarlaıdy QazAqparat.

«Búgin Qazaqstanda Ǵylym qyzmetkerleri kúni. Ǵalymdardy kásibı merekemen quttyqtap, kúndelikti eńbekteri men zertteý salalaryn keńeıtip jatqandary úshin alǵysymdy bildirgim keledi», - degen mınıstr Qazaqstan ǵalymdarynyń zertteýleri, jańalyqtary men jańa ǵylymı bilimderi elimizdiń damýyna erekshe úles qosyp jatqanyn atap ótti.

«Búgingi tańda ǵalymdarymyzdyń ǵylymı jetistikteri tek Qazaqstanda ǵana emes, sonymen birge shetelde de moıyndalyp jatyr. Prezıdenttiń ǵylym salasyna erekshe kóńil bólip, qoldaý kórsetýiniń arqasynda sońǵy jyldary otandyq ǵylymdy damytýdaǵy kóptegen ózekti másele sheshimin taýyp, ǵalymdarymyzǵa qajetti jaǵdaı jasaýǵa múmkindik týdy.

Mınıstrlik ǵalym mamandyǵynyń bedeldi bolýy, ǵylymı ıdeıalardyń turaqtylyǵy men iske asyrylýyna kepildik berýi úshin júıeli jumysty jalǵastyrady», - deıdi Ashat Aımaǵambetov.