Qazaqstandyq ǵalymdardyń eńbegine qaı elder qyzyǵýshylyq tanytyp otyr

ASTANA. QazAqparat – Ǵylym jáne joǵary bilim mınıstrliginiń mamandary otandyq ǵalymdar oılap tapqan jańalyqtarǵa qandaı shet memleketterdiń qyzyǵýshylyq tanytqanyn aıtty, dep habarlaıdy QazAqparat tilshisi.

«2016-2018 jyldar aralyǵyndaǵy ǵylymı jáne ǵylymı-tehnıkalyq qyzmetti granttyq qarjylandyrýǵa arnalǵan konkýrstardyń qorytyndysy boıynsha 2022 jyldyń sońynda ǵylymmen baılanysty 140 óndiris quryldy. Onyń ishinde 15 joba AQSh, Qytaı, Reseı, Chehııa, Grýzııa, Qyrǵyzstan elderine eksportqa shyqty», - delingen tilshi saýalyna oraı berilgen Ǵylym jáne joǵary bilim mınıstrliginiń jaýabynda.

Qosa ketsek, buǵan deıin shetelge ketken ǵalymdardy qaıtarýǵa baǵyttalǵan baǵdarlama ázirlenetinin jazyp edik.

Sondaı-aq, ǵalymdarǵa arnalǵan áleýmettik jeńildikter paketi daıyndalyp jatyr.