Qazaqstandyq ǵalymdardyń 400-den astam jobasy granttyq qarjylandyrýǵa ıe bolmaq
ASTANA. 9 sáýir. QazAqparat - Qazaqstandyq ǵalymdardyń 400-den astam jobasy 3 mlrd. teńge kólemindegi granttyq qarjylandyrýmen qamtylady. Bul týraly búgin Astanada ótken brıfıngte QR Bilim jáne ǵylym mınıstrligi Ǵylym komıtetiniń tóraǵasy Nurlan Ybyraıym aıtty.
«Búgin biz granttyq qarjylandyrýǵa jobalardyń sońǵy baıqaýy boıynsha qorytyndyny jarııaladyq. 2 744 jobanyń ishinen ulttyq ǵylymı keńester 435-in, ıaǵnı 16 paıyzyn iriktep aldy. Qarjylandyrýdyń jalpy kólemi 3 mlrd. teńge»,-dedi komıtet basshysy.
Osy jobalardyń arasynda ómir sapasyn, zııatkerlik áleýetti, energetıkany jaqsartý, sondaı-aq shıkizat pen ónimdi óńdeý, aqparattyq jáne telekommýnıkatsııalyq tehnologııalar salasyndaǵy ǵylymı zerttemeler bar.
