Qazaqstandyq ǵalymdar jol sapasyn jaqsartý baǵyttanda zertteý júrgizýde

NUR-SULTAN. QazAqparat - Sońǵy 15 jylda Qazaqstan jol ǵylymı-zertteý ınstıtýtynyń ǵalymdary elimizdiń avtojol salasy úshin 200-ge jýyq jańa tehnologııa men ınnovatsııalyq sheshim ázirlegen. Atalǵan ázirlemelerdi qoldana otyryp, 170 avtojol ýchaskesi salyndy, dep habarlaıdy QazAqparat.

QR IIDM baspasóz qyzmetiniń málimetinshe, nnnovatsııalyq ázirlemelerdi engizgen soń ınstıtýt mamandary ýchaskelerdiń paıdalaný jaǵdaıyn turaqty túrde baqylap otyrady. Osylaısha, 2020 jyly QazjolǴZI 4 ýchaskeni monıtorıngten ótkizgen. Budan bólek, byltyr «Qurty-Býrylbaıtal», «Aqtóbe-Atyraý» jáne «Omby-Maıqapshaǵaı» avtomobıl joldarynyń ýchaskelerindegi jol jabyndylary men jer asty qabattarynyń temperatýrasy men ylǵaldylyǵynyń ózgerýine uzaq merzimdi baqylaý júrgizý úshin, ınstıtýt ǵalymdary seriktestermen birge oılap shyǵarǵan ólsheý keshenderi, ıaǵnı temperatýra men ylǵaldylyq datchıkteri ornatyldy.

Aıta ketý kerek, 2020 jyly ınstıtýt zerthanalary júrgizgen zertteý nátıjeleri boıynsha materıaldar men qurylymdardyń sapasyn baǵalaý boıynsha 260 hattama berildi. QazjolǴZI-dyń jyljymaly zerthanalary avtomobıl joldaryn dıagnostıkalaý men pasporttaýdy júzege asyrady. Osylaısha, ótken jyly 2397 dıagnostıkalaý júrgizilip, avtomobıl joldary men qala kósheleriniń 202 shaqyrymy qujattandyryldy.

Sondaı-aq, byltyr QazjolǴZI QR Bilim jáne ǵylym mınıstrliginiń «Jol bıtýmynyń joǵary jáne tómen temperatýralyq sıpattamalaryn jaqsartý» granttyq jobasy boıynsha jumysty bastap ketti. Onyń aıasynda bilim berý mekemesiniń zerthanalarynda bıtýmdy baılanystyrǵyshtardy synaý boıynsha ıtalııalyq Kalabrııa ýnıversıtetimen birlesken jumys júrgizilýde. Joba Qazaqstan óńirleriniń klımatyn eskere otyryp, sapasy jaqsartylǵan jol bıtýmdaryn shyǵarý múmkindigin qarastyrady.