Qazaqstandyq ǵalymdar jemis aǵashtaryn saqtaýǵa arnalǵan jańa dıagnostıka júıesin ázirledi
Áńgime aǵashtardyń DNQ-synda Erwinia amylovora bakterııasyn joǵary dáldikpen anyqtaıtyn test-júıeler týraly bolyp otyr. Bul rette otandyq júıe sheteldik analogtardan birneshe ese arzan jáne qazaqstandyq baǵbandar úshin qoljetimdi.
Aıta keteıik, Erwinia amylovora - jemis aǵashtarynda bakterııalyq kúıdirgini týdyratyn erekshe qaýipti qozdyrǵysh. Bakterııa ásirese alma men almurt aǵashtary úshin qaýipti jáne bar bolǵany 2 maýsymnyń ishinde baqshanyń jappaı búlinýine ákelýi múmkin. Búgingi kúni bakterııalyq kúıiktiń taralyp ketken túrlerine tıimdi em joq, tek erte dıagnostıkalaý arqyly ǵana onyń aldyn alýǵa bolady. Al endi ázirlengen LAMP dıagnostıkalyq júıesi jemis aǵashtaryn saqtaýǵa kómektesedi.
«Biz ázirlegen LAMP negizindegi bakterııalardy anyqtaýdyń jańa júıesi qazirgi kezde qoldanylatyn klassıkalyq PTR-men salystyrǵanda 100-1000 ese sezimtal. Sezimtaldyqtan basqa, PTR-dan aıyrmashylyǵy - LAMP tehnologııasy qoldanýǵa yńǵaıly, dala jaǵdaılaryna ońaı beıimdeledi, sonymen qatar qymbat reagentter men jabdyqtardy qajet etpeıdi. Salystyrmaly túrde bakterııalyq kúıikti anyqtaýǵa arnalǵan bizdiń test-júıemizdiń bir synama quny 6 000 teńge, aǵylshyn zerthanasynda 31 000 teńge, shveıtsarııalyq zerthanada 57 000 teńge turady. Osy arzan test-júıelerdiń kómegimen ár baǵban erte dıagnostıkaǵa qol jetkize alady. Eger úı baqshalary ózdiginen qalyp qoısa, onda olar jabaıy alma aǵashtaryn juqtyrý qaýipi bar. Al bizdiń elimizde jabaıy alma aǵashtarynyń arasynda dúnıejúzilik mura – Sıvers alma aǵashy ósedi, ony saqtaý kerek», - deıdi QR BǴM M.A. Aıthojın atyndaǵy Molekýlalyq bıologııa jáne bıohımııa ınstıtýtynyń bıology Nurbol Ǵalıaqparov.
Qazirgi ýaqytta M.A. Aıthojın Molekýlalyq bıologııa jáne bıohımııa ınstıtýtynyń ǵalymdary jabaıy alma aǵashtarynda Erwinia amylovora bakterııasyn anyqtaý boıynsha jumys júrgizip, bakterııalyq kúıiktiń t taralýyn boldyrmaý, onyń ishinde jańa test-júıelerdi paıdalaný úshin praktıkalyq usynystar ázirlep jatyr.
